Viarchoŭnaja Rada Ukrainy pryniała «Miemarandum miru i zhody»
Narodnyja deputaty Ukrainy prahałasavali za pryniaćcie «Miemaranduma miru i zhody», uzhadniŭšy prapanovu ab statusie rasiejskaj movy.
Za pryniaćcie hetaha rašeńnia prahałasavali 252 narodnych deputata.
Pry hetym frakcyi «Partyi rehijonaŭ» i «Svaboda» nie hałasavali.
Hałasavańnie adbyłosia paśla pasiadžeńnia pahadžalnaha savieta. Na joj deputaty ŭzhadnili abzac ab statusie rasiejskaj movy.
«Razam z kanstytucyjnym statusam ukrainskaj movy jak dziaržaŭnaj, Viarchoŭnaja Rada zabiaśpiečyć harantavańnie statusu rasiejskaj movy. Dziaržava taksama harantuje padtrymku moŭ nacyjanalnych mienšaściaŭ u miescach ich kampaktnaha pražyvańnia», — začytaŭ uzhodnieny abzac Turčynaŭ.
Deputaty pryniali ŭ cełym prajekt Miemaranduma, padadzieny narodnym deputatam ad PR Vadzimam Navinskim z peŭnymi papraŭkami. U pryvatnaści, byli ŭniesieny punkty ab sadziejničańni praviadzieńniu vybaraŭ prezidenta 25 maja.
Taksama z prajekta Navinskaha prybrali prapanovu ab zamacavańni pazabłokavaha statusu Ukrainy.