Zaŭtra ŭ Minsku projdzie sustreča premjer-ministraŭ krain SND
30 maja ŭ minskim «Prezident-hateli» pad staršynstvam premjer-ministra Biełarusi Michaiła Miaśnikoviča adbudziecca pasiadžeńnie Savieta kiraŭnikoŭ uradaŭ Sadružnaści Niezaležnych Dziaržaŭ.
Jak paviedamlaje pres-słužba Vykanaŭčaha kamiteta SND napiaredadni sustrečy, čakajecca, što kiraŭniki ŭradaŭ razhledziać bolš jak 20 prajektaŭ dakumientaŭ pa roznych kirunkach supracoŭnictva. U pryvatnaści budzie praanalizavany chod vykanańnia ŭ 2013 hodzie Miždziaržaŭnaj prahramy inavacyjnaha supracoŭnictva dziaržaŭ SND na pieryjad da 2020 hoda i kompleksu mierapryjemstvaŭ na 2012—2014 hady pa jaje realizacyi.
Płanujecca padpisańnie pahadnieńniaŭ, što rehłamientujuć supracoŭnictva ŭ śfiery miždziaržaŭnaha abmienu navukova-techničnaj infarmacyjaj i infarmacyjnaje ŭzajemadziejańnie krain Sadružnaści ŭ śfiery arhanizacyi transpartnaj biaśpieki dy inš.
Kiraŭniki ŭradaŭ prymuć šerah rašeńniaŭ finansavaha i kadravaha charaktaru.