Nazarbajeŭ: Jeŭrazijskaja intehracyja nie harantuje manny niabiesnaj
Kožnamu z členaŭ Jeŭrazijskaha ekanamičnaha sajuza (JEAES) nieabchodna budzie šmat pracavać dla pieraadoleńnia roznych kryzisaŭ na šlachu intehracyi, zajaviŭ prezident Kazachstana Nursułtan Nazarbajeŭ pa vynikach pasiadžeńnia Vyšejšaha Jeŭrazijskaha ekanamičnaha savieta na ŭzroŭni kiraŭnikoŭ dziaržaŭ u Astanie.
«Intehracyja sama pa sabie nie harantuje idealnaha žyćcia, manny niabiesnaj. Kožnaj ź dziaržaŭ pryjdziecca pracavać. Buduć novyja vykliki, novyja zadačy, prasiadańni ekanomiki. Moža być, nie takimi tempami budzie raźvivacca ŭzajemny handal. Heta zrazumieła, my vybrali luft, jakim raniej nie karystalisia. Zaraz karystajemsia. Ale heta ni ŭ jakim razie nie pavinna vyklikać niejkich inšych reakcyj, akramia jak ruchacca napierad. My pavinny być hatovyja razam vyrašać lubyja pytańni, ahulnymi namahańniami pieraadolvać usie kryzisy», — skazaŭ Nazarbajeŭ.
Jon taksama adznačyŭ: «Jeŭrazijski ekanamičny sajuz my bačym adkrytaj ekanamičnaj supolnaściu, arhanična ŭklučanaj u hłabalnyja suviazi jak nadziejny most pamiž Jeŭropaj i Azijaj, jakaja raście».
Prezident Kazachstana padkreśliŭ, što JEAES — heta adzin z najbujniejšych spažyvieckich rynkaŭ płaniety. «Na dolu krain — udzielnic JEAES prypadaje kala čverci ŭsich raźviedanych u śviecie karysnych vykapniaŭ koštam da 40 tryljonaŭ dołaraŭ. Heta najbujniejšy ŭ śviecie eksparcior enierharesursaŭ i charčovaj pšanicy. JEAES poŭnaściu zabiaśpiečvaje siabie charčavańniem, maje ŭsie nieabchodnyja kamunikacyi ŭnutry ahulnaha rynku i ź inšymi krainami, samadastatkovy pa klučavych resursach, jakija harantujuć niezaležnaść dziaržaŭ», — adznačyŭ Nazarbajeŭ.
Jon prapanavaŭ parłamientam troch krain ratyfikavać dahavor ab stvareńni JEAES adnačasova: «U nas jość vopyt adnačasovaj ratyfikacyi ŭ parłamientach. Ja dumaju, što my paprosim našych deputataŭ, kab heta adbyłosia. My im dapamožam padrychtavać usie dakumienty».
Nazarbajeŭ taksama prapanavaŭ abviaścić 29 maja Dniom jeŭrazijskaj intehracyi: «Siońnia ŭ narodaŭ Kazachstana, Biełarusi i Rasii znamianalny dzień. Jeŭrazijski ekanamičny sajuz — heta novy tryvały miechanizm viečnaj družby, uzajemadziejańnia, dobrasusiedstva našych krain. Ja liču, što dzień 29 maja hodny taho, kab uvajści ŭ kalendary i pamiatnyja daty našych krain jak Dzień jeŭrazijskaj intehracyi».