Termin zdačy ŭ ekspłuatacyju haścinicy «Kiempinski» ŭ Minsku pa-raniejšamu nieviadomy
Termin zdačy ŭ ekspłuatacyju haścinicy «Kiempinski» ŭ Minsku nieviadomy, paviedamiŭ načalnik upraŭleńnia bytavoha i haściničnaha absłuhoŭvańnia nasielnictva Minharvykankama Andrej Novikaŭ na pres-kanfierencyi 29 maja. «Prahnoz — sprava niaŭdziačnaja», — adznačyŭ jon.
fota Siarhieja Hudzilina, luty 2014 h.
Čakałasia, što haścinica, budaŭnictva jakoj pačałosia ŭ 2010 hodzie, budzie ŭviedziena ŭ ekspłuatacyju da čempijanatu śvietu pa chakiei. Pieršapačatkovy termin zakančeńnia rabot — 31 śniežnia 2013 hoda — byŭ pieraniesieny na 1 maja 2014 hoda ŭkazam prezidenta № 86 ad 21 lutaha hetaha hoda. Zakazčykam budaŭnictva ź`iaŭlajecca STAA «Elit Estejt» (zasnavalniki — biełaruski «Trajpł» i maskoŭskaja firma «Sici Estejt»). Dziela haścinicy była źniesiena pieršaja biełaruskaja elektrastancyja, pabudavanaja ŭ XIX stahodździ.
Jak adznačyŭ Novikaŭ, z 42 prajektaŭ budaŭnictva haścinic da čempijanatu śvietu «da finišu» dabrałasia 14. Sankcyi za nievykanańnie terminaŭ budavańnia hatelaŭ buduć prymianiacca ŭ adpaviednaści z zaklučanymi dahavorami. «Za dva z pałovaj hady vosiem dahavoraŭ skasavana ŭ adnabakovym paradku, u tym liku z sudovymi precedentami», — paviedamiŭ pradstaŭnik Minharvykankama.