Łukašenka pra SND: Navošta buryć toje, što jość?
Alaksandr Łukašenka zaklikaje nikoli nie śpiašacca, prymajučy rašeńni ab vychadzie z SND. Pra heta jon zajaviŭ siońnia na sustrečy z kiraŭnikami delehacyj, jakija ŭdzielničajuć u pasiadžeńni Savieta kiraŭnikoŭ uradaŭ SND u Minsku.
«Ja zaŭsiody kažu: navošta buryć toje, što jość», — adznačyŭ Alaksandr Łukašenka. Na jaho dumku, SND źjaŭlajecca dobraj pieramoŭnaj placoŭkaj, na jakoj možna abmiarkoŭvać pytańni, u tym liku i ŭ dvuchbakovym paradku, i ŭ pryvatnym. Kiraŭnik biełaruskaj dziaržavy ličyć, što rabić paśpiešnyja kroki pa vychadzie z Sadružnaści nie varta.
Alaksandr Łukašenka skazaŭ, što i ŭ ŭkrainskaha boku «jość razumieńnie, što kali niešta i treba zrabić u hetym płanie, to śpiašacca dakładna nie treba».
«Bo, zrabiŭšy peŭny krok, viarnucca značna składaniej. I tvar zachavać, i jašče niejkija prablemy paŭstanuć… Tamu ja vas prosta ahituju: nikoli nie śpiašajciesia pakinuć hetuju narmalnuju placoŭku ŭzajemadziejańnia», — kiraŭnik Biełarusi.
«Bo razmaŭlajem na adnoj movie, dumajem prykładna adnolkava. Nikudy nie dzienieš hetyja hady, dziesiacihodździ, pražytyja razam.
I dziakuj Bohu, što ŭ nas jość taki vopyt. U kožnaj ź dziaržaŭ, jaje kiraŭnictva jość svaje asablivaści, svaje intaresy, ale dla hetaha i isnujuć adpaviednyja arhanizacyi, forumy, na jakich treba vyrašać pytańni, prymać rašeńni i damahacca svaich intaresaŭ», — adznačyŭ biełaruski lidar.