Pad Stolinam udaram małanki zabiła 41-hadovaha pastucha
U Stolinskim rajonie ad udaru małanki zahinuŭ 41-hadovy pastuch miascovaha sielhaspradpryjemstva.
Jak paviedamiŭ prakuror Stolinskaha rajona Dźmitryj Paźniak, trahiedyja zdaryłasia dniom 28 maja niedaloka ad vioski Vielamičy na pašy, dzie zahinuły razam ź inšym pastuchom pas statak karoŭ sielhaspradpryjemstva.
Kali pačałasia navalnica, 41-hadovy rabočy zajšoŭ u vahončyk. Tudy ŭdaryła małanka, i mužčyna zahinuŭ. Jon žyŭ u vioscy Turskoje. Taksama zabiła sabaku, jaki byŭ pad vahončykam.
Druhoha pastucha, što zachodziŭ u vahončyk, ad jaho adkinuła. Hety mužčyna nie paciarpieŭ.
Pravierku pa fakcie hibieli 41-hadovaha viaskoŭca pravodzić Stolinski rajonny adździeł Śledčaha kamiteta. Pryčynu jaho śmierci ŭstanaŭlivaje sudova-miedycynskaja ekśpiertyza.
Jak adznačyŭ prakuror Stolinskaha rajona, sioleta ŭ rehijonie heta pieršy vypadak hibieli čałavieka ŭ vyniku pramoha papadańnia navalničnaha razradu małanki.