Andrej Dyńko: Ukraincam by zaraz mocnuju ruku VIDEA
«Treba pieravodzić krainu na vajennyja rejki, ale ci hatovy da hetaha Parašenka, ci hatovaja palityčnaja elita? Ja tut vykažu takuju dumku, što im by lidara kštałtu Łukašenki ciapier, – miarkuje šef-redaktar «Našaj Nivy» Andrej Dyńko ŭ intervju telekanału «Biełsat».
– Ja čamu havaru, što Ukrainie patrebny novy Piłsudski, nu pahladzicie na hetych ukrainskich siłavikoŭ ciapierašnich. Ministr unutranych spravaŭ štodzień niešta tam piša ŭ «Facebook'u», niejkija tam emocyi vykazvaje. Kab napisać, treba paru chvilinaŭ. U ciabie što, jość lišnija paru chvilinaŭ u hetaj situacyi? Dy ty musiš 24 hadziny dumać, kudy nakiravać zbroju, a nie ŭ «facebook'ach» pisać».
Mienavita zbroja patrebnaja ciapier Ukrainie, a nie hrošy, jakich Jeŭrasajuz nakiravaŭ užo niamała. «Bo hrošy mohuć trapić u ruki bandytaŭ». U płanie ž vajennaj dapamohi Zachadu «brakuje palityčnaj voli, bo siońnia na Zachadzie šmat słabych lidaraŭ. Abama ŭ vojsku nie słužyŭ, i Jacaniuk z Turčynavym – taksama…».
Ź inšaha boku, padkreślivaje Andrej Dyńko, uviazvańnie ŭ vajenny kanflikt moža stać pačatkam treciaj suśvietnaj vajny, a heta – «najhoršy varyjant, bo jana kamieniu na kamieni nie pakinie ŭ našym rehijonie». «U hetym sensie padychod Mierkiel, Abamy, jakija prydumali słova «deeskałacyja», [moža być apraŭdany – belsat.eu]. Nam, jakija pryzvyčailisia da aŭtarytarnaj palityki, da dyktatarskaj palityki, dzie ludzi kułakom pa stale stukajuć, nie bajacca ŭžyvać siłu, heta troški śmiešna. Tam pruć hruzaviki z čačencami, a tut «deeskałacyja». Ale ź inšaha boku, kali hladzieć hłabalna, nu, moža być, i majuć racyju?».