Złymi nie naradžajucca: Malefisenta
Malefisenta
Žanr: Fentiezi, kazka, drama
Režysier: Robiert Strombierh
U rolach: Anžalina Džali, El Faninh, Šarłta Kopli, Łeśli Menvił, Imiełlda Stontan, Džuna Tempł, Sem Rajli
ZŠA, 97 chv.
Čaraŭnica Malefisenta žyvie ŭ niedasiažnych dla ludziej bałotach razam z čaroŭnymi istotami, jana — najmahutniejšaja viadźmarka.
Adnojčy jana sustrakaje chłopčyka Stefana, jaki na niekatory čas stanovicca jaje siabram. Ale toj maje vyklučnyja ambicyi — stać haspadarom zamka. Kali karol ludziej sprabuje zachapić čaroŭny śviet i cierpić parazu, jon hatovy addać usio - navat tron i pryncesu - dziela pomsty Malefisencie. Stefan bačyć u hetym svoj šaniec i karystajecca im…
Film źniaty pa matyvach kazki Šarla Piero i dysnejeŭskaha mulfilma «Śpiačaja pryhažunia». Źmianiŭsia akcent: centram filma i hałoŭnaj hierainiaj stała Malefisenta, rolu jakoj nadzvyčaj udała vykanała Anžalina Džali.
Režysierski debiut Strombierha admietny uražvalnym, ale čakana pryhožym vizualnym składnikam, bo jon maje dośvied mastaka-pastanoŭščyka ŭ viadomych «Avatary» (2009) i «Alisie ŭ krainie cudaŭ» (2010), jakija taksama byli amal całkam namalavanyja. Tut možna ŭbačyć malaŭničy śviet, u jakim žyvie Čaroŭny narodziec i mnostva nieviadomych istot, padkazanych kazkami, lehiendami i fantazijaj aŭtaraŭ.
Choć siužet kazki, viadomy amal kožnamu, raskviečany novymi padrabiaznaściami. Sumavać nie daviadziecca ni dzieciam, ni darosłym.