Unučka zabiła stareńkuju babulu palenam
Zdareńnie adbyłosia ŭ Śvietłahorskim rajonie. Na 43-hadovuju žycharku vioski Koŭčycy-1, jakaja zabiła svaju 89-hadovuju babulu, pačali kryminalnuju spravu.
Zabojstva adbyłosia viečaram 30 maja. Žančyna pryjšła ŭ dvor da svajoj babuli.
Pamiž imi pačałasia svarka: piensijanierka papraknuła ŭnučku ŭ złoŭžyvańni śpirtnym. Padčas vizitu 43-hadovaja žančyna taksama była pjanaja. Ad paproku jana raźjušyłasia, schapiła palena i niekalki razoŭ stuknuła staruju žančynu, u asnoŭnym pa hałavie.
Praź niejki čas jana vyklikała chutkuju dapamohu. Ale dapamahčy staroj žančynie daktary nie zmahli: jana pamierła na miescy zdareńnia.
Padazravanuju źmiaścili ŭ izalatar časovaha ŭtrymańnia.
Raniej jana była sudzimaja za ŭchileńnie ad utrymańnia svaich dziaciej.