Sud nad zabojcami minčanki Taćciany Słonimskaj pačniecca 10 červienia
10 červienia ŭ Minskim abłasnym sudzie pačniecca słuchańnie rezanansnaj kryminalnaj spravy ŭ dačynieńni da dvuch minčan 1992 i 1994 hadoŭ naradžeńnia, jakija abvinavačvajucca ŭ zabojstvie 50-hadovaj minčanki Taćciany Słonimskaj.
Ab hetym BiełaPAN paviedamiła kiraŭnik pres-słužby Viarchoŭnaha suda Julija Laskova.
Raniej sudzimy K. abvinavačvajecca va ŭčynieńni złačynstvaŭ, praduhledžanych č. 1 art. 14, č. 2 art. 205, č. 2 art. 205, č. 3 art. 205, č. 3 art. 207, p. 6, 12 č. 2 art. 139, č. 1 art. 377, č. 1 art. 380, č. 1 art. 381 KK. Raniej sudzimy Ł. abvinavačvajecca va ŭčynieńni złačynstvaŭ, praduhledžanych č. 6 art. 16, p. 6, 12 č. 2 art. 139, č. 2 art. 205, č. 3 art. 205, č. 6 art. 16, č. 3 art. 207 KK.
Nahadajem, minčanka źnikła 3 lipienia 2013 hoda. Vidavočcy bačyli, što jana pajechała na aŭtamašynie «Mazda-3» źbirać jahady ŭ Minskim rajonie.
18 lipienia ŭ lasnym masivie pablizu vioski Dvorac zakapanym u ziamlu byŭ znojdzieny trup žančyny sa šmatlikimi (nie mienš čym 14) nažavymi ranieńniami.
Dziakujučy ŭzajemadziejańniu z pravaachoŭnikami Rasii ŭ Maskvie byŭ znojdzieny aŭtamabil, što naležaŭ Słonimskaj. Jon byŭ pradadzieny z vykarystańniem padroblenych dakumientaŭ.
Pravaachoŭniki ŭstanavili i zatrymali padazronych va ŭčynieńni złačynstva. Imi akazalisia raniej nieadnarazova sudzimyja minčanie 1992 i 1994 hadoŭ naradžeńnia.
Śledstvam byli vyjaŭleny i inšyja supraćpraŭnyja dziejańni padazravanych. Asnoŭnaje abvinavačańnie im pradjaŭlena va ŭčynieńni zabojstva pry abciažarvajučych akaličnaściach, učynieńni razbojnaha napadu i sieryi kradziažoŭ, a taksama ŭ kradziažy i źniščeńni dakumientaŭ, vykarystańni padroblenych dakumientaŭ.
Pry praviadzieńni rasśledavańnia było pryznačana mnostva ekśpiertyz, u tym liku psichołaha-psichijatryčnyja. Pa ich vynikach abvinavačvanyja byli pryznany psichična zdarovymi i zdolnymi ŭśviedamlać svaje dziejańni i kiravać imi na momant učynieńnia złačynstvaŭ.