Surjoznaja avaryja ŭ centry Vilni: hruzavik zvaliŭsia z mosta na bahažnik inšaha aŭto FOTAFAKT
U centry Vilni adbyłasia surjoznaja avaryja, u vyniku jakoj hruzavik zvaliŭsia z mosta.
Avaryja adbyłasia ŭ 12.15 na moście la Piedahahičnaha ŭniviersiteta. Hruzavik urezaŭsia ŭ aŭtamabil z uklučanymi avaryjnymi sihnałami, pobač ź jakim byŭ pastaŭleny avaryjny znak.
Uščent raźbitaja Kia zastałasia na moście, a hruzavik, hružany budaŭničymi materyjałami, upaŭ na vulicu Haštaŭta na bahažnik inšaha aŭtamabila.
Ludzi, čakajučy chutkuju, samastojna sprabavali vyciahnuć kiroŭcu z Kia. Darožniki pačali vyciahvać kiroŭcu z hruzavika. Im na dapamohu prybyli pažarnyja, palicejskija i chutkaja.
Abodva kiroŭcy žyvyja.