Biez nas: Abama ŭ Varšavie praviadzie naradu z kiraŭnikami Centralnaj i Uschodniaj Jeŭropy nakont pahrozaŭ Rasii
U Varšavie 4 červienia projdzie sustreča kiraŭnikoŭ krain Bałtyi i Centralnaj Jeŭropy z prezidentam ZŠA Barakam Abamam u ramkach śviatkavańnia 25- hodździa Polskaha ruchu za svabodu.
Na mierapryjemstva zaprošany kiraŭniki krain ES — Litvy, Łatvii, Estonii, Finlandyi, Čechii, Słavakii, Rumynii, Słavienii, Charvatyi, Bałharyi, Hiermanii, Aŭstryi, Ukrainy i Vienhryi, premjer Kanady, karol Bielhii, Vialiki kniaź Luksiemburha.
Na sustrečy z Barakam Abamam kiraŭniki krain Bałtyi i Centralnaj Jeŭropy abmiarkujuć mahčymaści ŭmacavańnia biaśpieki ŭ rehijonie i važnaść prysutnaści ZŠA ŭ Jeŭropie, miery adzinaha adkazu na pahrozy z boku Rasii.
Kiraŭniki krain taksama buduć havaryć ab supracoŭnictvie ŭ vyrašeńni enierhietyčnaj, ekanamičnaj, infarmacyjnaj i kibiernietyčnaj biaśpieki.
Na sustrečy budzie prysutničać prezident Ukrainy Piotr Parašenka.
25 hadoŭ tamu, 4 červienia 1989 hoda ŭ Polščy adbylisia pieršyja svabodnyja vybary ŭ parłamient i Sienat, na jakich pieramohu atrymaŭ ruch «Salidarnaść». Heta byŭ pieršy niekamunistyčny ŭrad u hetaj častcy Jeŭropy.