Rasijskija ŚMI: U Łuhanskaj vobłaści 10 pamiežnikaŭ zdalisia bajevikam
Kala dziesiaci pamiežnikaŭ z upraŭleńnia Łuhanskaj pahransłužby, atakavanaha apałčencami ranicaj 2 červienia, zdalisia napadnikam. Pra heta paviedamlaje RIA Naviny.
Pa słovach karespandenta ahienctva, zdacca vyrašyli reziervisty, niadaŭna pryzvanyja pa mabilizacyi. Usiaho na terytoryi pamiežnaj častki znachodziacca kala 150 čałaviek.
Aficyjnaha paćvierdžańnia abo abviaržeńnia hetaj infarmacyi z ukrainskaha boku pakul nie pastupała.