Jacaniuk: Ukraina hatovaja sudzicca z Rasijaj u Stakholmie ŭ vypadku niepadpisańnia pahadnieńnia
Pytańnie adklučeńnia Rasijaj hazu dla Ukrainy nie źniataje. Pra heta, vystupajučy ŭ parłamiencie, skazaŭ premjer-ministr Ukrainy Arsienij Jacaniuk.
Pavodle jaho słoŭ, učora nočču Rasija admoviłasia ad svaich płanaŭ adklučyć haz, ale vajuje z Ukrainaj usimi mahčymymi srodkami.
Jacaniuk adznačyŭ, što ŭ vypadku niepadpisańnia pahadnieńnia z «Hazpromam» i NAK «Naftahazam» Ukraina budzie sudzicca z Rasijaj u Stakholmie.
«Heta nie miesiac i navat nie hod. Ale inšaha šlachu nie bačym», — skazaŭ jon.
Jacaniuk taksama raspavioŭ, što ciapier u schoviščach Ukrainy znachodzicca 12 miljardaŭ kubamietraŭ hazu, ale kab pražyć zimu treba zakupić jašče 7 miljardaŭ.