Śnieh bje rekordy listapada
U Homieli za minułyja sutki zarehistravali najvialikšaje dla listapada śniežnaje pokryva. — 17 sm. Kala paŭtary tysiačy pasieliščaŭ na ŭschodzie krainy zastalisia bieź śviatła.
U Homieli za minułyja sutki zarehistravali najvialikšaje dla listapada śniežnaje pokryva — 17 sm.
Śnieh staŭsia pryčynaj šmatlikich adklučeńniaŭ elektryčnaści, pieravažna ŭ Homielskaj i Mahiloŭskaj abłaściach. Za minułyja sutki ŭ krainie adklučałasia elektrazabieśpiačeńnie ŭ 1451 vioscy i 317 fermach.
Na siońniašniuju ranicu abiastočanymi zastavalisia 504 vioski j 55 fermaŭ.
Nalipańnie śniehu moža vyklikać razryvy na linijach elektrapieradačy, niamała kłopataŭ enerhietykam dadajuć haliny j drevy, jakija padajuć na pravady. Hetak, tolki ŭ Homielskaj vobłaści ź linij elektrapieradač prybrali 50 pavalenych dreŭ.