Mitrapalit Fiłaret adkryŭ pomnik Jelisieju Łaŭryšaŭskamu
Trochmetrovy manument śviatoha ŭ manaskim ubrańni z kryžom u rukach ustalavany ŭ Navahradku na vulicy Haradzienskaj pobač ź jeparchijalnym upraŭleńniem.
Pavodle słovaŭ błahačynnaha horada Navahradka i Navahradzkaj akruhi protajareja Anatola Hierasimuka, adkryćcio manumenta stała adnoj z centralnych padziejaŭ śviatkavańnia 690‑hodździa ŭtvareńnia Navahradzkaj japarchii i 15‑hodździa jaje adnaŭleńnia. Jany prachodziać u časie ŭračystaściaŭ, prymierkavanych da 1015‑hodździa pravasłaŭja ŭ Biełarusi. Pomnik śviatomu Jelisieju Łaŭryšaŭskamu aśviaciŭ Mitrapalit Fiłaret.
Pavodle protajareja Anatola Hierasimuka, syn kniazia Traniaty, budučy Jelisiej Łaŭryšaŭski, zajmaŭ vysokuju pasadu pry dvary kniazia Mindoŭha. Zrabiŭšysia chryścijaninam, jon pakinuŭ dvor, dy zasnavaŭ u Navahradku ŭ 1255 h. Łaŭryšaŭski manastyr.