U Minsku za raspaŭsiud «spajsu» zatrymanyja čaćviora
Supracoŭniki adździaleńnia pa narkakantroli i supraćdziejańni handlu ludźmi (ANiSHŁ) Zavodskaha RUUS stalicy pry siłavoj padtrymcy bajcoŭ śpiecpadraździaleńnia MUS Biełarusi «Ałmaz» pry praviadzieńni šerahu śpiecmierapryjemstvaŭ pa padazreńni ŭ zachoŭvańni i raspaŭsiudzie kurylnych sumiesiaŭ byli zatrymanyja čaćviora hramadzian.
Apieratyŭnikami ANiSHŁ Zavodskaha RUUS Minska byŭ zatrymany 20-hadovy minčuk, jaki raspaŭsiudžvaŭ kurylnyja sumiesi. Jak stała viadoma, małady čałaviek drobnymi partyjami nabyvaŭ «miksy», paśla čaho pierapradavaŭ (u asnoŭnym — svaim znajomym), a taksama ŭžyvaŭ sam. Darečy, maci zatrymanaha taksama raniej była sudzimaja za niezakonny abarot narkotykaŭ.
Padčas dalejšych apieratyŭna-vyšukovych mierapryjemstvaŭ było ŭstanoŭlena, što kurylnyja sumiesi vyšejaznačanaj asobie zbyvaŭ 22-hadovy minčuk, jaki paźniej taksama byŭ zatrymany kala adnoj z navučalnych ustanoŭ na terytoryi Zavodskaha rajona stalicy razam z dvuma znajomymi. Pry asabistym vobšuku ŭ maładych ludziej było znojdziena i kanfiskavana niekalki skrutkaŭ z kurylnymi sumiesiami.
Dziejańniam zatrymanych dajecca pravavaja acenka.
X