Televizaram LG: jašče adzin epizod atrymańnia chabaru rektaram Instytuta kultury Biełarusi
Śledčym kamitetam ustanoŭleny jašče adzin epizod atrymańnia chabaru rektaram dziaržaŭnaj ustanovy adukacyi «Instytut kultury Biełarusi» (Inbiełkult).
Jak vynikaje z materyjałaŭ kryminalnaj spravy, aznačanaja asoba, u mai hetaha hoda, znachodziačysia na pracoŭnym miescy, atrymała chabar u vyhladzie televizara «LG», koštam kala čatyroch miljonaŭ rubloŭ za pradastaŭleńnie ŭ karystańnie nieruchomaści ŭznačalenaj ustanovy ŭ intaresach chabaradavalnika, paviedamiła ŭ svaim fejsbuku aficyjny pradstaŭnik Śledčaha kamiteta Julija Hančarova.
Ustanoŭlena, što namier padazravanaha byŭ nakiravany na atrymańnie materyjalnych kaštoŭnaściaŭ vyklučna dla siabie i ŭ suviazi z zajmajemym im słužbovym stanoviščam.
Jak paviedamlałasia raniej, padazravany byŭ zatrymany ŭ momant atrymańnia chabaru ŭ pamiery 2000 dalaraŭ ZŠA, u dačynieńni da jaho rasśledujecca kryminalnaja sprava.
Hetyja hrašovyja srodki rektar atrymaŭ taksama za spryjalnaje vyrašeńnie pytańnia ab pradastaŭleńni ŭ karystańnie nieruchomaści ŭstanovy biez dakumientalnaha afarmleńnia.
Dziejańni słužbovaj asoby kvalifikavanyja pa č. 2 art. 430 (atrymańnie chabaru paŭtorna) Kryminalnaha kodeksa Respubliki Biełaruś. Prymieniena miera strymańnia ŭ vyhladzie zaklučeńnia pad vartu. Rasśledavańnie praciahvajecca.