U Čavusach 20 čałaviek atrucilisia ŭ kaviarni
U čavuskim kafe «Liha» zdaryłasia masavaje atručeńnie praduktami charčavańnia. Paciarpieli, pavodle nieaficyjnaj infarmacyi, kala 20 čałaviek.
Atručeńnie zdaryłasia 3 červienia. Z taho momantu i pa hety čas nazvany abjekt hramadskaha charčavańnia zakryty.
U Mahiloŭskim abłasnym centry hihijeny i epidemijałohii admovilisia prakamientavać situacyju z masavym atručeńniem u Čavusach, spasłaŭšysia na nieabchodnaść aficyjnaha zapytu.
Miž tym va ŭpraŭleńni Śledčaha kamiteta pa Mahiloŭskaj vobłaści adznačyli, što nijakaj kryminalnaj spravy pa fakcie masavaha atručeńnia ŭ Čavusach pakul nie raspačynałasia.