Mietałurhičny kambinat i «Azoŭstal» padtrymlivajuć praviadzieńnie ATA ŭ Maryupali
Maryupalski mietałurhičny kambinat imia Iljiča i mietałurhičny kambinat «Azoŭstal» (abodva — Maryupal, Danieckaja vobłaść) padtrymlivajuć praviadzieńnie antyterarystyčnaj apieracyi ŭ horadzie.
Pra heta havorycca ŭ paviedamleńni «Mietinviest».
«13 červienia, padčas praviadzieńnia ŭ Maryupali aktyŭnaj fazy ATA, kiraŭniki mietałurhičnych kambinataŭ hrupy «Mietinviest» adznačyli zładžanyja dziejańni Nacyjanalnaj hvardyi i supracoŭnikaŭ haradskoj milicyi pa zabieśpiačeńni biaśpieki žycharoŭ. Hienieralny dyrektar mietałurhičnaha kambinata imia Iljiča Juryj Zinčanka i hienieralny dyrektar mietałurhičnaha kambinata «Azoŭstal» Envier Ckicišvili zaklikali zachoŭvać spakoj i ŭpeŭnienaść, što dziakujučy skaardynavanym dziejańniam vajennych i pravaachoŭnikaŭ horad udasca ačyścić ad terarystaŭ, i ŭ Maryupal vierniecca zvykłaje miernaje žyćcio», — havorycca ŭ im.
U paviedamleńni adznačajecca, što supracoŭnikam pradpryjemstvaŭ, jakija pražyvajuć u zonie praviadzieńnia antyterarystyčnaj apieracyi i pa abjektyŭnych pryčynach nie zmahli prybyć na pracoŭnyja miescy, heta nie budzie zaličana jak prahuł.
Pa słovach Ckicišvili, praviadzieńnie ATA ŭ Maryupali — heta adziny vychad ź situacyi, jakaja skłałasia, i heta dapamoža ŭsim viarnucca da narmalnaha žyćcia — i žycharam i pradpryjemstvam.
Nahadajem, u piatnicu siły antyterarystyčnaj apieracyi vyzvalili budynak harsavietu Maryupala ad sieparatystaŭ.
Kala 4:00 u piatnicu ŭ Maryupali pačałasia aktyŭnaja faza ATA, siłaviki źniščyli umacavanych rajonaŭ terarystaŭ u horadzie.
5 złačyncaŭ zabityja, 4 ŭkrainskija pravaachoŭniki ciažka paranienyja ŭ vyniku bajavych sutyknieńniaŭ.