Bojka la rasijskaha konsulstva ŭ Adesie: jość paranienyja i zatrymanyja
Demanstranty patrabavali ad supracoŭnikaŭ dypmisii spuścić ściah.
Udzielniki akcyi sprabavali padyści ŭščylnuju da budynka pradstaŭnictva Rasijskaj Fiederacyi, kab uskłaści žałobnyja vianki. Na miescy padziej prysutničali kala dvuch sotniaŭ praŭkrainski aktyvistaŭ i niekalki sotniaŭ siłavikoŭ, jakija adnosiacca da roznych padraździaleńniaŭ, u tym liku bajcy bataljona milicyi «Štorm» i bataljona terytaryjalnaj abarony «Adesy», pieradaje UNIAN.
Udzielniki akcyi chacieli zapatrabavać ad dypłamataŭ źniać trykałor. Pravaachoŭniki nie dali im hetaha zrabić. Zaviazałasia bojka, u vyniku jakoj paciarpieŭ jak minimum adzin mužčyna - u jaho traŭma hałavy. Chto staŭ inicyjataram kanfliktu, pakul niezrazumieła.
Prykładna a 17:00 supracoŭniki pravaachoŭnych orhanaŭ zatrymali čatyroch udzielnikaŭ siońniašniaj akcyi, paviedamlaje «Ostrov». Jak paviedamiŭ hubiernatar vobłaści Ihar Palica, u adnaho ź ludziej znajšli vybuchoŭku i nož. Adzin z zatrymanych nie źjaŭlajecca žycharom Adesy. «Heta była vidavočnaja pravakacyja, jakuju spyniła milicyja», - adznačyŭ čynoŭnik.
Na miesca zdareńnia prybyŭ načalnik abłasnoj milicyi Ivan Kacierynčuk. Paciarpiełaha zabrała chutkaja dapamoha, udzielniki akcyi pačali razychodzicca, adnak potym častka pratestujučych - čałaviek 100 - viarnulisia da budynka.