19 červienia — prezientacyja 10-ha toma poŭnaha zboru tvoraŭ Vasila Bykava
Pabačyŭ śviet dziasiaty tom poŭnaha zboru tvoraŭ Vasila Bykava. Prezientacyja adbudziecca 19 červienia, u dzień naradžeńnia piśmieńnika, u mienskaj halerei «Ŭ».
«Zbor tvoraŭ Vasila Uładzimiraviča Bykava vydajecca Sajuzam biełaruskich piśmienńnikaŭ, — skazaŭ staršynia SBP Barys Piatrovič radyjo «Racyja». — Pieršyja tamy vyjšli jašče ŭ 2005 hodzie. Vydańnie raściahnułasia, tamu što rychtavać kožny novy tom stanovicca ŭsio ciažej i ciažej. Pa vialikamu rachunku heta praca cełaha instytuta. U asnoŭnym zajmajecca vypuskam novych tamoŭ nievialikaja redkalehija. Asnoŭnuju pracu na siabie ŭziaŭ Siarhiej Šapran. Mienavita jon rychtavaŭ 10 tom.
Dziasiaty tom abjadnaŭ publicystyku Vasila Bykava ad pieršych publikacyj da 1980 hoda.
Udzieł u prezientacyi vozmuć: Anatol Viarcinski, Siarhiej Zakońnikaŭ, Viktar Kaźko a taksama Iryna Michajłaŭna Bykava, udava Vasila Bykava.
prezientacyja projdzie 19 červienia a 19-j u minskaj halerei «Ŭ» (pr. Niezaležnaści, 37a). Uvachod volny.
X