U Breście adkryli Rasijski centr navuki i kultury
Padobnyja centry adkryvajucca pa ŭsim śviecie pa asabistym rasparadžeńni prezidenta Rasii Uładzimira Pucina. U Biełarusi budzie ich dva, chutka adkryjecca centr u Homieli.
Na cyrymonii adkryćcia prysutničali śpikier Dziarždumy Rasii Siarhiej Naryškin, pasoł Rasii ŭ Biełarusi Alaksandr Surykaŭ, pradstaŭniki delehacyi Rasii, kiraŭnictva Bresta i vobłaści.
Naryškin na adkryćci adznačyŭ, što «pašyreńnie kulturna-humanitarnaha supracoŭnictva na postsavieckaj prastory ciapier pryjarytetnaje. Jano spryjaje ŭmacavańniu adnosin roznych krain ź fiederacyjaj i asabliva umacavańniu adnosin pamiž Biełaruśsiu i Rasijaj».
Kiraŭnik Fiederalnaha ahienctva pa spravach SND, suajčyńnikaŭ, jakija pražyvajuć za miažoj, i mižnarodnym humanitarnym supracoŭnictvie (Rassupracoŭnictva) Kanstancin Kasačoŭ padkreśliŭ:
«Dla Fiederalnaha ahienctva heta ŭžo 60-y centr. Adnak hety centr adkryvaje pryncypova novy etap u našaj pracy. Adnaznačnym pryjarytetam dla nas stanovicca prastora Sadružnaści Niezaležnych Dziaržaŭ, dzie my pierachodzim ad demanstracyi ściahoŭ na ŭzroŭni stalic da realnaj paŭsiadzionnaj pracy na ŭsioj humanitarnaj prastory, jakaja abjadnoŭvaje našy krainy i narody».