Rabotnik MNS pajšoŭ u hryby, a znajšoŭ piensijaniera
Dniom 23 červienia ŭ rahačoŭskija RAUS i RANS pastupiła infarmacyja ab tym, što z sadavodčaha tavarystva «Pčołka» pajšoŭ 73-hadovy piensijanier i nie viarnuŭsia. Jak miarkujecca, mužčyna nakiravaŭsia ŭ les ranicaj 22 červienia.
Jak paviedamili ŭ Homielskim abłasnym upraŭleńni MNS, da pošukaŭ źnikłaha byli pryciahnutyja piać milicyjanieraŭ, try ratavalniki, pradstaŭniki lashasu i miascovaje nasielnictva.
Kala dźviuch hadzin dnia 23 červienia piensijaniera ŭ lesie la vioski Bliźniacy znajšoŭ kamandzir adździaleńnia pažarnaha avaryjna-ratavalnaha pasta MNS vioski Zarečča. Praparščyk unutranaj słužby na adpačynku źbiraŭ hryby.
Sustreŭšy mužčynu, jaki błukaŭ bolš za sutki pa lesie, ratavalnik prainfarmavaŭ pra zdareńnie kaleh.
Stan piensijaniera zdavalniajučy, u špitalizacyi jon nie maje patreby.