Iłaryjonaŭ: Pucin pierajšoŭ da apieracyi «Tleńnie tarfianiku»
Niekalki dzion tamu pačałasia realizacyja čarhovaha etapu pucinskaha płana pad nazvaj «Tleńnie tarfianiku».
Stratehičnaja meta zastajecca niaźmiennaj — abo Ukraina stanovicca pucinskaj i idzie pad kiravańnie Kramla, u asobie taho ci inšaha pucinskaha pryznačenca, abo, kali hetaha nie adbyvajecca, to tady Ukraina, z hledzišča Pucina, pavinna pierastać isnavać jak samastojnaja suvierennaja dziaržava.
Uvasableńnie niekalkich taktyčnych varyjantaŭ hetaj stratehii my bačyli na praciahu apošnich niekalkich miesiacaŭ.
Spačatku byŭ rasstreł «Niabiesnaj sotni» na Majdanie, z dapamohaj jakoha aŭtary hetaha płana płanavali pahruzić Ukrainu ŭ chaos i vyklikać reakcyju siłavuju reakcyju dla taho, kab abvinavacić ukrainskaje hramadstva i ŭkrainskija ŭłady ŭ niazdolnaści zabiaśpiečyć u krainie zakonnaść i elemientarny paradak.
Zatym nastupny etap my bačyli ŭ Krymie, dzie taksama byli nieadnarazovyja pravakacyi, pad prykryćciom jakich była praviedziena akupacyja i anieksija hetaj ukrainskaj terytoryi.
Zatym padryŭnyja dziejańni byli pieraniesieny na poŭdzień i ŭschod Ukrainy, u vobłaści tak zvanaj Navarosii, jakuju ŭsialak sprabavali zapalić paŭstańniem pad ściahami t.zv. «Ruskaj viasny».
Ale zapalić Ukrainu nie ŭdałosia. Vyśvietliłasia, što antyŭkrainskija nastroi va Ukrainie, choć i jość, ale jany zanadta słabyja.
Mahčyma ludziej z takimi pohladami va Ukrainie kala miljona čałaviek. Pryčym u ich nie stolki prarasijskija, kolki prasavieckija, nastroju. Tyja, chto sapraŭdy padtrymlivajuć ŁNR i DNR, časta vystupajuć jak raz pad prasavieckimi łozunhami. Adnak hetaj bazy zusim nie dastatkova dla taho, kab stvaryć što-niebudź pierakanaŭčaje dla rasijskaha hramadstva, i dla ŭkrainskaha hramadstva, dla suśvietnaj supolnaści.
Tamu va ŭmovach absalutnaha deficytu kadraŭ, jakija žyvuć va Ukrainie, pryjšłosia ažyćciaŭlać interviencyju na poŭdni i ŭschodzie Ukrainy z dapamohaj «strałkoŭ», «biesaŭ», «babajaŭ» i inšych terarystaŭ.
Akazałasia, što i hetaha niedastatkova. Akazałasia, što pry praviadzieńni surjoznaj apieracyi navat namahańniami sasłablenaj ukrainskaj armii, jany ŭsio roŭna buduć zadušanyja.
Prykładna 5 ci 6 dzion tamu nazad Pucin pryniaŭ rašeńnie ab novym etapie ŭ stratehii dalejšaj destabilizacyi Ukrainy.
Hetyja dziejańni možna nazvać «Apieracyja «Tleńnie tarfianiku». Na terytoryju t.zv. DNR i ŁNR zakidvajucca bajeviki i zbroja z terytoryi Rasii. Adnačasova ŭzmacniajecca raspaŭsiudžvańnie padryŭnoj dziejnaści na tyja rehijony Ukrainy, u jakich u krasaviku-mai prykmietnaj padtrymki antyŭkrainskaj dziejnaści nie akazałasia.
Tamu varyjant, aprabavany zaraz na Danbasie, na novym uzroŭni i z novymi siłami budzie raspaŭsiudžvacca na ŭsie tyja 8 abłaściej tak zvanaj Navarosii, pra jakuju tak raspaviadaŭ Pucin 17 krasavika.
I toje, što my bačyli ŭčora ŭ Charkavie i Adesie, i toje, što my, na žal, jašče budziem bačyć, i vybuch hazapravoda ŭ Pałtaŭskaj vobłaści, i masavy pierachod miažy bajevikami i technikaj, i padciahvańnie rasijskich uzbrojenych sił niepasredna da miažy —
usio heta častki novaha etapu staroha płana pa padryvu suvierenitetu i niezaležnaści Ukrainy.
U hetaj situacyi klučavym pytańnie zaklučajecca ŭ zdolnaści ukrainskich uzbrojenych sił vyrašyć hetaje pytańnie. Mahčymaściaŭ dla dypłamatyčnaha spynieńnia rasijskaj ahresii suprać Ukrainy ciapier, na žal, niama. U apošnija 2-3 dni my ŭstupili ŭ situacyju, pry jakoj vysokavierahodnaj stanovicca poŭnamaštabnaja vajna pamiž rasijskimi i ŭkrainskimi ŭzbrojenymi siłami. Nie viedaju, u jakoj stupieni novy prezident Ukrainy budzie zdolny na pryniaćcie takoha rašeńnia, ale kali jon nie addaść taki zahad, to jazva na terytoryi ŭschodniaj Ukrainy abraście ścienami, miežami, usimi prykmietami novaj kvazidziaržavy. I zatym budzie raspaŭzacca dalej pa ŭsioj terytoryi Ukrainy.
Paŭdniovy ŭschod Ukrainy budzie nasyčacca bajevikami, zbrojaj, bajavoj technikaj, a ciapier užo i rehularnymi rasijskimi vajskovymi častkami. U Kramli, padobna, pryniali rašeńnie «nie zdavać DNR i ŁNR ni pry jakich abstavinach», što aznačaje raźviazvańnie poŭnamaštabnaha vajennaha kanfliktu. Heta pierachod raspačataj Pucinym 11 miesiacaŭ tamu čaćviortaj suśvietnaj vajny ŭ novuju stadyju.
Płan Kramla — stvareńnie t.zv. «Ruskaha śvietu».
Na dumku ich aŭtaraŭ, adziny surjozny hulec na płaniecie, chto moža hetamu supraćstajać - heta anhła-saksonski śviet. Tamu heta vajna nie tolki suprać Ukrainy, ale i suprać anhła-saksonskaha śvietu, u jaki ŭvachodziać ZŠA, Vialikabrytanija, a taksama t.zv. «Pryfrantavyja dziaržavy», jakimi źjaŭlajucca Polšča i dziaržavy Bałtyi. Z punktu hledžańnia Kramla z anhła-saksonskim śvietam i pryfrantavymi dziaržavami damovicca niemahčyma. Tamu vajnu treba vieści da ich poŭnaha razhromu.
U hetaj vajnie, na dumku ahresara, jaho sajuźnikam moža i pavinna stać kantynientalnaja Jeŭropa na čale z Hiermanijaj.
Na pieršym časie treba damahčysia niejtralitetu kantynientalnaj Jeŭropy, najlepšym ž varyjantam budzie toj, pry jakim jana stanovicca sajuźnikam pucinskaj Rasiei ŭ vajnie suprać anhła-saksonskaha śvietu dla vyšturchoŭvańnia ZŠA z terytoryi kantynientalnaj Jeŭropy. Hetaja kancepcyja znachodzić razumieńnie i padtrymku siarod niekatorych palityčnych i dziełavych kołaŭ jeŭrapiejskich kantynientalnych krain, pierš za ŭsio Hiermanii i Francyi.
Na žal, heta nie vybar Ukrainy, ale jaje razhladajuć u jakaści pola bitvy, jakoje ahresar, addavać nie źbirajecca. Zaraz ad ukrainskaha kiraŭnictva i ŭkrainskaha hramadstva zaležyć, ci buduć ukraincy supraciŭlacca pa-sapraŭdnamu.
Kali ŭkraincy pahodziacca addać, naprykład, Danbas, miarkujučy, što na hetym vajna skončycca, to heta surjoznaja pamyłka. Ahresar nie spynicca na Danbasie.
Danbas sam pa sabie ahresaru nie patrebny. Ahresar nie spynicca da taho času, pakul, vykarystoŭvajučy płacdarm u Danbasie, jon nie pačnie nastup na inšyja rehijony Ukrainy, pierš za ŭsio ŭ t.zv. Navarosii.
Ale pamylajucca i tyja, chto dumaje, što ahresar spynicca na Navarosii.
Zhodna z kancepcyjaj «ruskaha śvietu» zaradžeńnie adzinaha ruskaha pravasłaŭnaha naroda, jaki pa hetaj kancepcyi pavinien žyć pad adzinaj dziaržaŭnaj dacham, adbyłosia ŭ Kijevie.
Tamu dniaproŭskaja kupiel, dzie Uładzimir Pieršy (Śviatasłavavič) i Kijeŭskaja Ruś atrymali chryščeńnie, taksama pavinna znachodzicca pad hetym dacham. Da taho času, pakul Kijeŭ razam z Kijeva-Piačerskaj łaŭry nie apynucca pad hetym dacham, Uładzimir Druhi (Uładzimiravič) ad Ukrainy nie adstupicca.
Ci ž što-niebudź zdarycca z hetym dacham.