Miadźviedzieŭ spadziajecca na dapamohu niabiosaŭ u vychadzie Rasii z hrupy na čempijanacie śvietu
Premjer-ministr Rasii Dźmitryj Miadźviedzieŭ zajaviŭ, što šancy zbornaj Rasii na vychad u płej-of čempijanatu śvietu pa futbole zaležać ad «raskładu na niabiosach».
fota ITAR-TASS
«Ciapier hałoŭnaje, kab na niabiosach taki raskład skłaŭsia, kab my mahli ŭsio ž taki choć niejkija šancy vykarystać», — skazaŭ siońnia premjer Rasii na sustrečy z aktyvam «Adzinaj Rasii».
Miž tym, adzin z «adzinarosaŭ» paskardziŭsia Miadźviedzievu, što 18 červienia zamiest himna Rasii pierad hulnioj zbornaj była ŭklučana kamiercyjnaja rekłama. Miadźviedzieŭ nazvaŭ niedapuščalnym, kali padčas hučańnia nacyjanalnaha himna ŭ chodzie tranślacyi matčaŭ čempijanatu śvietu ŭklučajecca kamiercyjnaja rekłama.
«Padčas himna rekłamu ŭklučać nie treba», - skazaŭ jon.
Zbornaja Rasii praviała dźvie hulni: zhulała ŭničyju z kamandaj Paŭdniovaj Karei (1:1) i prajhrała bielhijcam (0:1). U zaklučnym tury ŭ čaćvier Rasija zhulaje z Ałžyram.