U Minsk prybyli rasijskija desantniki — dla ŭdziełu ŭ paradzie 3 lipienia
24 červienia dla ŭdziełu ŭ paradzie na Dnia Niezaležnaści Biełarusi, jaki projdzie 3 lipienia ŭ Minsku, prybyŭ paradny raźlik 234-ha hvardziejskaha Čarnamorskaha ordena Kutuzava 3-j stupieni desantna-šturmavoha pałka imia Alaksandra Nieŭskaha 76-j hvardziejskaj desantna-šturmavoj Čarnihaŭskaj Čyrvanaściažnaj dyvizii uzbrojenych sił Rasii. Pra heta paviedamlaje pres-słužba Ministerstva abarony Biełarusi.
Sfarmiravanaja ŭ 1939 hodzie 76-ja hvardziejskaja desantna-šturmavaja dyvizija źjaŭlajecca adnym z najstarejšych złučeńniaŭ Pavietrana-desantnych vojskaŭ Uzbrojenych sił Rasii. Jarkaja staronka ŭ letapisie bajavoha šlachu złučeńnia - udzieł u vyzvaleńni Biełarusi ŭ składzie 1-ha, a zatym 2-ha Biełaruskich frantoŭ.