U pavietranym paradzie 3 lipienia voźmie ŭdzieł rasijskaja avijacyja
Jak paviedamili BiełaPAN u pres-słužbie Ministerstva abarony Biełarusi, haradžanie i hości stalicy ŭbačać vučebna-bajavyja samaloty Ł-39, viertaloty Mi-2, Mi-8 i Mi-24, šturmaviki Su-25, źniščalniki MiH-29 i vajenna-transpartny samalot Ił-76 biełaruskaha vojska. Asablivaściu pavietranaha paradu ŭ hetym hodzie stanie pralot u składzie lotnaha ešałona źviana viertalotaŭ Ka-52 344-ha centra bajavoha prymianieńnia i padrychtoŭki lotnaha składu (avijacyjnaha piersanału armiejskaj avijacyi) i samalotaŭ Su-34 47-ha źmiašanaha avijacyjnaha pałka VPS RF.
Ekipažy pavietranych sudoŭ zaviaršyli treniroŭki na bazie svaich voinskich častak. Avijacyjnaja technika, jakaja ŭdzielničaje ŭ paradzie, pierabazavalisia na aeradrom Mačuliščy pad Minskam.
Pavietranyja sudny ŭ niebie nad stalicaj buduć piłatavać najlepšyja lotčyki avijacyi VPS i vojskaŭ SPA. Siarod ich dva lotčyki-snajpiery i 26 lotčykaŭ pieršaha kłasa. U pavietranym paradzie buduć zadziejničanyja 40 pavietranych sudnaŭ, ź jakich 22 samaloty. Schiema pabudovy bajavoha paradku avijacyi na pavietranym paradzie budzie składacca z pralotu siami źvionaŭ samalotaŭ i viertalotaŭ u złučanych bajavych paradkach.
Da paradu buduć praviedzienyja niekalki trenirovak, u časie jakich piłoty adpracujuć pytańni ŭzajemadziejańnia ŭ składzie pavietranaha ešałona.
Nahadajem, raniej źjaviłasia infarmacyja ab mahčymym udziele ŭ paradzie rasijskich stratehičnych bambavikoŭ. Adnak u Minabarony Biełarusi admovilisia kamientavać «prydumki».