Śpiavačka Hiunieš vyjšła zamuž za tureckaha futbalista
Biełaruskaja śpiavačka azierbajdžanskaha pachodžańnia Hiunieš Abasava zhulała viasielle ŭ Turcyi. Jaje vybrańnik — eks-futbalist «Hałatasaraja», trenier Hiekchan Džynhiez.
Pra heta paviedamlajuć azierbajdžanskija ŚMI sa spasyłkaj na pres-słužbu śpiavački.
Viasielnaja cyrymonija prajšła 20 červienia ŭ Stambule. Artystka ŭžo padzialiłasia radasnaj padziejaj u sacsietkach i vykłała na svajoj staroncy zdymki ź imprezy.
Historyja Hiunieš i Hiekchana pačałasia ŭ Internecie. Jany paznajomiłasia ŭ Facebook'u. Pryčym śpiavačka nie karystałasia siecivam z pryncypu, ale pa patrabavańni siabroŭki stvaryła akaŭnt. I, jak akazałasia, vielmi svoječasova, pakolki zakachany ŭ jaje futbalist, jaki ŭpieršyniu ŭbačyŭ Hiunieš pa telebačańni, akurat u hety čas vyrašyŭ adšukać pryhažuniu.
Raniej zakachanyja śćviardžali, što zastanucca žyć u Minsku paśla viasiella, pry hetym vybrańnik śpiavački, jaki ciapier žyvie na Kipry, adznačyŭ, što jamu padabajecca Minsk, ale pakul składana skazać, ci pryžyviecca jon u hetym horadzie. Hiunieš u svaju čarhu pryznałasia, što kali kachanamu biełaruskaja stalica pryjdziecca nie daspadoby, to jana nie suprać pierajechać na Kipr.