Aryviederčy, Italija, aryviederčy! Uruhvaj — u 1/8 finału VIDEA
Dyjeha Hadzin — aŭtar pieramožnaha hoła — atrymlivaje vinšavańni ad Edzinsana Kavani, AFP.
Zbornaja Uruhvaja vyrvała pieramohu ŭ kamandy Italii ź likam 1:0 (Dyjeha Hadzin, 81) i vyjšła ŭ płej-of čempijanatu śvietu pa futbole z druhoha miesca.
Varta adznačyć, što ŭ siaredzinie druhoha tajma za ŭdar supiernika pramoj nahoj byŭ vydaleny italjaniec Markizia. Paśla hetaha ŭruhvajcy nasieli na varoty Italii.
Niekalki razoŭ apienincaŭ bliskuča vyratavaŭ bramnik Džanłuidžy Bufon. Ale na 81-aj chvilinie i jon byŭ biaśsilny paśla ŭdara hałavoj Dyjeha Hadzina.
Jašče adzin vypadak, jaki, biezumoŭna, budzie abmiarkoŭvacca - heta ŭkus Suaresam italjanskaha abaroncy Kjelini. Sudździa, praŭda, nie zaŭvažyŭ hetaha momanta. Ale ŭruhvajca mohuć dyskvalifikavać postfaktum.
Heta nie pieršy vypadak, kali Suares kusajecca. Takija ŭčynki byli zaŭvažanyja za im i ŭ Hałandyi, i ŭ Anhlii.
Italija — vice-čempijon Jeŭropy 2012 — śledam za čempijonami śvietu Ispanijaj jedzie dachaty.
Kosta-Ryka — Anhlija — 0:0.
Kosta-Ryka — 7, Uruhvaj — 6, Italija — 3, Anhlija — 1.
A 23-j hadzinie — Kałumbija — Japonija, Kot dJIvuar — Hrecyja.
Kałumbija — 6, Kot dJIvuar — 3, Japonija, Hrecyja — 1.
Kałumbija ŭžo zavajavała pucioŭku ŭ płej-of.