U Ivacevickim rajonie vadziciel, jaki nie mieŭ pravoŭ, źbiŭ viełasipiedystku i ŭciok ź miesca zdareńnia
U Ivacevickim rajonie 25 červienia vadziciel źbiŭ viełasipiedystku i ŭciok ź miesca zdareńnia.
Jak paviedamiła načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, heta zdaryłasia ŭ 7.20 na pieršym kiłamietry aŭtadarohi vioska Barany — vioska Vola. Vadziciel «Suzuki» ŭčyniŭ najezd na adnu ź dźviuch viełasipiedystak, jakija jechali ŭ spadarožnym napramku.
Vinoŭnik avaryi spačatku spyniŭsia i padyšoŭ da žančyny, jakaja ŭpała ź viełasipieda, zatym pakinuŭ miesca DTZ.
55-hadovaja viełasipiedystka, jakaja atrymała zakryty pierałom pieršaha pajaśničnaha pazvanka, špitalizavanaja ŭ Ivacevickuju centralnuju rajonnuju balnicu. Jana žycharka vioski Barany.
Padčas apieratyŭna-vyšukovych mierapryjemstvaŭ supracoŭniki DAI znajšli «Suzuki» pa miescy žycharstva haspadara. Zatym było ŭstanoŭlena, što na viełasipiedystku najechaŭ jaho rodny brat, 23-hadovy žychar vioski Jahlevičy. Pavodle papiarednich źviestak, jon uziaŭ u brata «Suzuki» biez dazvołu.
Pa fakcie darožna-transpartnaha zdareńnia pravodzicca pravierka.
Na hety čas ustanoŭlena, što ŭ 23-hadovaha chłopca niama vadzicielskich pravoŭ. U 2013 hodzie jon učyniŭ DTZ i ŭciok ź miesca zdareńnia, dahetul jaho dvojčy zatrymlivali za rulom u stanie ałkaholnaha apjanieńnia.
«Z pačatku hetaha hoda ŭ Bresckaj vobłaści adbyłosia 20 DTZ, ź miesca ŭčynieńnia jakich vadzicieli ŭciakli. U takich avaryjach dva čałavieki zahinuli i 21 byŭ paranieny. Asoby 17 vadzicielaŭ ustanoŭleny», — raskazała Sacharčuk.