Daktary zmohuć vyznačać chvaroby pacyjentaŭ pa fatahrafii
Pastavić dyjahnaz pa fatahrafii ciapier zmohuć miedyki. Kampjutarnuju prahramu, jakaja moža praanalizavać fatahrafiju čałavieka i vyjavić šerah hienietyčnych zachvorvańniaŭ, raspracavała kamanda śpiecyjalistaŭ Oksfardskaha univiersiteta.
Prahrama ŭnikalnaja tym, što raniej svoječasova vyznačyć mnohija spadčynnyja chvaroby było amal niemahčyma. Heta źviazana z tym, što kambinacyi hienaŭ, jakija pravakujuć adchileńni, nielha było identyfikavać.
Da hetaha momantu miedyki dyjahnastavali padobnyja adchileńni, aryjentujučysia na prykmietnyja i charakternyja dla peŭnych zachvorvańniaŭ rysy tvaru pacyjenta, pakolki prykładna 40% hienietyčnych adchileńniaŭ śpiecyfična adbivajucca na źniešnaści chvoraha.
Aŭtary prahramy — śpiecyjalisty pa mašynnym zroku Endru Zisierman i Krystafier Nelekier, apisali jaje charaktarystyki i ŭłaścivaści ŭ časopisie eLife. Ałharytm zdolny pa zvyčajnych ličbavych fotazdymkach raspaznać redkija spadčynnyja chvaroby.
Kab «navučyć» prahramu, daśledčyki vykarystali bolš za tysiaču trochsot ahulnadastupnych zdymkaŭ ludziej z vaśmiu roznymi hienietyčnymi adchileńniami. Heta, u pryvatnaści, sindromy Marcina-Beła i Daŭna, a taksama prahieryja. Z hetych zdymkaŭ prahrama zapomniła 36 roznych rysaŭ tvaru, jakija vykarystoŭvała padčas dyjahnostyki.
Ekśpierymient byŭ pryznany paśpiachovym, i mahčymaści prahramy pašyryli. Jana zdolnaja raspaznać zvyš 90 adchileńniaŭ, a heta ŭ 30 razoŭ pavyšaje vierahodnaść pravilnaha dyjahnazu.