U subotu — druhaja treniroŭka parada, uviečary centr budzie paralizavany
Druhaja treniroŭka vajennaha parada projdzie ŭ Minsku viečaram 28 červienia. Jak paviedamlaje ŭpraŭleńnie DAI HUUS Minharvykankama, mjechanizavanaja kałona pačnie ruch u 17.30.
Pa ŭsim šlachu ruchu techniki budzie paetapna zakryvacca ruch pa praśpiekcie Niezaležnaści. Zatym ad praśpiekta Niezaležnaści kałona budzie ruchacca pa vulicach Surhanava, Kujbyšava, Bahdanoviča, praśpiekcie Mašerava. Budzie zakryty ruch na praśpiekcie Mašerava ad praśpiekta Niezaležnaści da praśpiekta Pieramožcaŭ.
Hienieralnaja treniroŭka parada ŭ aznamienavańnie Dnia Niezaležnaści i 70-hodździa vyzvaleńnia Biełarusi ad niamiecka-fašysckich zachopnikaŭ pačniecca ŭ 21.30.
Dla paŭtornaha prachodžańnia bajavyja mašyny buduć ruchacca pa praśpiekcie Mašerava, vulicach Cimirazieva, Arłoŭskaj, płoščy Banhałor, vulicy Kujbyšava, praśpiekcie Mašerava.
Viartańnie miechanizavanaj kałony ŭ park budzie prachodzić ad praśpiekta Mašerava pa vulicach Cimirazieva, Arłoŭskaj, płoščy Banhałor, vulicy Surhanava, praśpiekcie Niezaležnaści, vulicy Starynaŭskaj u vajenny haradok Uručča.
Ruch usich vidaŭ transpartu budzie pierakryvacca ŭ abodvuch napramkach pa chodzie ruchu kałony, a taksama na čas praviadzieńnia treniroŭki.
Aprača taho, budzie zabaroniena parkoŭka pa abodvuch bakach praśpiekta Mašerava na ŭčastku ad raki Śvisłač da vulicy Kujbyšava, miascovaha prajezdu da hatela «Płanieta» ad vulicy Zasłaŭskaj da doma № 27, na placoŭcy kala doma № 39 pa praśpiekcie Mašerava, pa abodvuch bakach vulic Hvardziejskaj, Tarchanava, Hrybajedava, Ihnacienki, Daŭmana da pierakryžavańnia z vulicaj Charužaj, vulicy Staražoŭskaj da pierakryžavańnia z vulicaj Zaborskaha.
Dziaržaŭtainśpiekcyja rekamienduje vadzicielam i pasažyram hramadskaha transpartu ŭličvać hetuju infarmacyju i płanavać svoj maršrut zahadzia, a taksama nie parkavać transpartnyja srodki na zhadanych učastkach. U advarotnym vypadku aŭtamabili buduć evakujavany.