Na plažy pad Adesaj abrynułasia trochmietrovaje cunami VIDEA
Pryčynaj stali śmierčy nad moram, achviaraŭ niama.
Chvala vyšynioj amal try mietry nakryła 27 červienia plažy Čarnamorki i Illičeŭska pad Adesaj.
Pra heta paviedamiła pradstaŭnica Dziaržsłužby Ukrainy pa nadzvyčajnych situacyjach Maryna Hryńko.
Šeść čałaviek paciarpieli, ale nichto nie zahinuŭ.
«Nakryła ŭvieś plaž, jość paciarpiełyja, u asnoŭnym dzieci, — pierałomy noh. Šmat raskidanych rečaŭ pa plažy, mnohija rečy spłyli razam z chvalaj, pałamanyja šezłonhi», — havorycca ŭ paviedamleńni adnaho ź vidavočcaŭ.
Vidavočcy kažuć, što siarod soniečnaha spakojnaha mora cunami było niečakanym.
Siejsmołahi kažuć, što ziemlatrusaŭ nie było. Mietearołahi tłumačać źjavu śmierčami nad moram.