Ukrainskija vajskoŭcy zachapili ŭ bajevikoŭ rasijski tank i ahniamiot FOTY
Ukrainskija vajskoŭcy zachapili tank, jaki terarysty vykarystoŭvali padčas napadu na ŭkrainskuju vajskovuju častku ŭ Arciomaŭsku. Pra heta paviedamili ŭ Ministerstvie abarony Ukrainy.
Paśla analizu, praviedzienaha śpiecyjalistami, ustanoŭlena, što zhodna z zavodskim numaram hety tank T-64BV vypuščany ŭ kastryčniku 1987 na Charkaŭskim tankavym zavodzie imia Małyšava.
Pavodle archiŭnych źviestak hetaja bajavaja adzinka była adpraŭlena ŭ vajskovuju častku, jakaja ŭ toj čas dysłakavałasia na terytoryi Rasii.
Na ŭliku va Uzbrojenych Siłach Ukrainy dadzieny tank T-64BV nie znachodziŭsia i nie znachodzicca.
Padobnyja vysnovy zroblenyja i pa astatniaj zachoplenaj u terarystaŭ zbroi.
«U pryvatnaści, kanfiskavany ŭ bajavikoŭ ručnoj ahniamiot RPO-A «Čmiel» z pakazalnym nadpisam «Z Rasii ź luboŭju», taksama pryviezieny z terytoryi Rasijskaj Fiederacyi», — havorycca ŭ paviedamleńni Minabarony.