Mierkiel: Pahadnieńnie ES—Ukraina ŭstupić u siłu tolki paśla pieramovaŭ z Rasijaj
Ekanamičnaja častka pahadnieńnia ab asacyjacyi Jeŭrasajuza z Ukrainaj pačnie dziejničać nie adrazu paśla padpisańnia, jakoje adbyłosia ŭ piatnicu na samicie ES, a tolki paśla pieramovaŭ z udziełam Rasii, zajaviła žurnalistam kancler Niamieččyny Anhieła Mierkiel.
«Handlovaja častka nie adrazu budzie dziejničać. Spačatku adbuducca techničnyja pieramovy z udziełam Rasii, Jeŭrakamisii i Ukrainy, usie ŭdzielniki zajavili ab svajoj hatoŭnaści da hetaha», - skazała jana.
Pa słovach kanclera, zatrymka z ustupleńniem u siłu ekanamičnaj častki pahadnieńnia źviazanaja ź nieabchodnaściu «znajści rašeńni, pry jakich aściarohi Rasii buduć źniatyja».
Ułady Rasii nieadnarazova zajaŭlali, što Rasija budzie abaraniać svoj unutrany rynak ad biaspošlinnaha patoku praz Ukrainu jeŭrapiejskich tavaraŭ.