U Biełarusi źjavicca Centr vyvučeńnia klimatu
Takuju mahčymaść nie vyklučyŭ načalnik słužby hidramietearałahičnaha manitorynhu i fondaŭ dadzienych Respublikanskaha hidramietearałahičnaha centra Viktar Mielnik padčas onłajn-kanfierencyi «Pryrodnyja kataklizmy i anamalii nadvorja. Čaho čakać biełarusam?».
«Ciapier raspracoŭvajecca stratehija raźvićcia hidramietsłužby Biełarusi da 2030 hoda. U jaje ŭniesieny prapanovy ab arhanizacyi da 2020 hoda centra pa klimacie», — skazaŭ ekśpiert.
Na jaho dumku, u krainie daŭno treba było stvaryć nie tolki centr pa klimacie, ale i pa hidramietearałohii.
Dla paraŭnańnia: u Rasii — kala 17 hidramietearałahičnych struktur, va Ukrainie jość hidramietearałahičny instytut razam z fłotam (400—500 čałaviek), instytut hieafiziki, kafiedry mietearałohii i klimatałohii.
U Biełarusi siońnia jość hidramieteacentr, nievialikija hrupy ŭ Instytucie pryrodakarystańnia NAN i ŭ niekatorych VNU.