Łukašenka: Nie daj boh nas nie padstrachujuć sa śpiny braty, i nam daviadziecca vieści vajnu samim
Alaksandr Łukašenka padkreślivaje važnaść pavyšeńnia mabilnaści biełaruskaj armii.
Na hety fakt jon źviarnuŭ uvahu siońnia ŭ čas naviedvańnia 103-j asobnaj hvardziejskaj mabilnaj bryhady sił śpiecyjalnych apieracyj Uzbrojenych Sił Biełarusi.
Kiraŭnik dziaržavy ahledzieŭ park bajavych mašyn, dzie aznajomiŭsia ź jaho abstalavańniem i stanam techniki, pierśpiektyvami jaho ŭdaskanaleńnia. Łukašenka pahladzieŭ, jak arhanizavana rabota pa techničnym absłuhoŭvańni i ramoncie ŭzbrajeńnia, vajennaj i śpiecyjalnaj techniki.
Alaksandr Łukašenka źviarnuŭ uvahu na toje, što biełaruskaje vojska nieabchodna asnaščać mabilnymi srodkami.
Łukašenku byŭ prademanstravany adzin z uzoraŭ takich mašyn, jakija źbirajucca na Minskim zavodzie kołavych ciahačoŭ z vykarystańniem rasijskich kamplektujučych.
Kiraŭnik dziaržavy daručyŭ maksimalna łakalizavać vytvorčaść padobnaj techniki ŭ Biełarusi, źviarnuŭšy pilnuju ŭvahu na jakaść.
«Takija mašyny nam patrebnyja dla pavyšeńnia mabilnaści armii, - skazaŭ kiraŭnik dziaržavy. - SPA dobra, ale nie daj boh nas nie padstrachujuć sa śpiny braty, i nam daviadziecca vieści vajnu samim». Alaksandr Łukašenka ličyć heta pierśpiektyŭnym uzbrajeńniem.