U Minsku zarezali žančynu, pad Kapylom mužčynu zabili pałkaj
U staličnaj kvatery znajšli zabitaj 31-hadovuju minčanku.
Jak infarmuje BiełTA, na ciele žančyny byli nažavyja ranieńni šyi i hrudnoj kletki. U ździajśnieńni zabojstva padazrajecca 59-hadovy haspadar kvatery. Jaho špitalizavali ź niekalkim nažavymi ranieńniami. Padrabiaznaści trahičnaha zdareńnia pakul nieviadomyja. Adznačajecca, što zahinułaja minčanka raniej była asudžanaja za kradziažy. Jana, jak i paciarpieły mužčyna, nidzie nie pracavała.
Jak paviedamlaje pres-słužba milicyi Minskaj vobłaści, na terytoryi zakinutaha cehłavaha zavoda kala Kapyla paspračalisia dvoje viaskoŭcaŭ sa Słuckaha rajona. U vyniku 39-hadovy mužčyna źbiŭ draŭlanaj pałkaj pa hałavie 57-hadovaha znajomaha. Apošni ad atrymanych traŭmaŭ praz dva dni pamior. Raspačataja kryminalnaja sprava.