Na kancercie Nadziei Kadyšavaj u Viciebsku pustavali siektary amfiteatra
Na kancercie Nadziei Kadyšavaj, jaki prajšoŭ u ramkach «Słavianskaha bazaru ŭ Viciebsku» 9 lipienia, u letnim amfiteatry nie zapoŭniłasia niekalki siektaraŭ.
U toj čas jak centr amfiteatra byŭ zaniaty ščylna, praktyčna pustymi zastalisia 5-y i 10-y siektary, a 1-y i 4-y zapoŭnilisia tolki častkova. Kvitki na kancert kaštavali ad 120 000 da 280 00 rubloŭ, heta krychu tańniej za ŭčorašni vystup «Choru Tureckaha», jaki prajšoŭ z anšłaham.
Viačernija kancerty ŭ letnim amfiteatry, jakija pačynajucca a 18:00, charakternyja tym, što častka publiki pakutuje ad promniaŭ zachadu sonca. 9 lipienia ŭ Viciebsku słupok termomietra padymaŭsia da 26,8 hradusa pa Celsii, a na sancapioku hetaje značeńnie było kudy vyšejšym.