Pucin padpisaŭ ukaz ab śpisańni daŭhoŭ Kubie
Rasija śpisała amal uvieś doŭh Kuby pierad SSSR — bolš za 30 młrd dalaraŭ. Pazastałyja 3,5 młrd dalaraŭ doŭhu Havana abiacaje pahašać na praciahu 10 hadoŭ.
Prezident Rasii Uładzimir Pucin padpisaŭ u piatnicu zakon «Ab ratyfikacyi Pahadnieńnia pamiž uradam Rasijskaj Fiederacyi i ŭradam Respubliki Kuba ab urehulavańni zapazyčanaści Respubliki Kuba pierad Rasijskaj Fiederacyjaj pa kredytach, jakija pradastaŭleny ŭ pieryjad byłoha SSSR», paviedamlaje pres-słužba Kramla.
Da hetaha času Kuba ličyłasia najbujniejšym daŭžnikom Rasii, i ciapierašniaje śpisańnie jaje doŭhu — rekordnaje ŭ historyi dypłamatyčnych adnosinaŭ Maskvy ź inšymi krainami.