Valancin Haft: Ź niecenzurnaj leksikaj treba zmahacca ŭ žyćci, a nie ŭ mastactvie
a što Vy dumajecie na hety kont?
Zakon ab zabaronie niecenzurnaj leksiki ŭ kino, litaratury i na teatralnych padmostkach ŭstupiŭ u siłu ŭ Rasii z 1 lipienia.
Niecenzurnaja leksika nie pavinna hučać na vulicy, a ŭ sapraŭdnych tvorach mastactva jana moža być darečnaj.
Takoje mierkavańnie vykazaŭ u piatnicu narodny artyst RSFSR Valancin Haft padčas svajho majstar-kłasa dla słuchačoŭ Letniaj kinaakademii Mikity Michałkova.
Zakon ab zabaronie niecenzurnaj leksiki ŭ kino, litaratury i na teatralnych padmostkach ŭstupiŭ u siłu z 1 lipienia. «Zabaraniać maciukalnyja słovy — heta łuchta, — pierakanany akcior. — Voś kali idzie dziaŭčynka pa vulicy i łajecca matam, kali z ekranaŭ lijecca mat — heta treba zabaranić. Ale kali Leŭ Mikałajevič (Tałstoj) vykarystoŭvaje padobnyja słovy, heta zusim inšaja sprava, heta možna ličyć daśledavańniem ruskaj movy».
Haft dadaŭ, što mnohija znakamityja piśmieńniki i paety vykarystoŭvali ŭ svaich tvorach niecenzurnuju leksiku, i heta nie vyhladała pošła abo hruba. A pryniaćcie padobnych zakonaŭ, na jaho dumku, moža pryvieści da taho, što pad zabaronu trapiać tvory mastactva, jakija naŭrad ci naniasuć škodu ludziam. «Tak možna vykinuć dzicia razam ź viadrom vady», — zaŭvažyŭ artyst.
Valancin Haft viadomy nie tolki jak akcior teatra i kino, ale i jak paet, stvaralnik liryčnych, praniknionych vieršaŭ, a taksama vielmi daścipnych i źjedlivych epihramaŭ. Akcior niaredka ŭžyvaje ŭ svaich žartoŭnych radkach nienarmatyŭnuju leksiku.