U Biełarusi źjaviŭsia ŭłasny pastaŭščyk źviestak dystancyjnaha zandavańnia Ziamli
Z uvodam u ekspłuatacyju poŭnafarmatnaj ličbavaj aerafotakamiery ADS100 Biełaruskaje pradpryjemstva sielskahaspadarčych aerafotahieadezičnych pošukaŭ (BiełPSHAHP) pačnie pastaŭku źviestak dystancyjnaha zandavańnia Ziamli z prastoravym raspaznavańniem ad 4 santymietraŭ u 1 piksieli vyjavy. Pra heta paviedamlaje pres-słužba Dziaržaŭnaha kamiteta pa majomaści Biełarusi.
«Najaŭnaść u kanstrukcyi prybora śpiektralnych liniejek pa 20 tysiač piksielaŭ upopierak maršrutu dazvalaje istotna pavialičvać pradukcyjnaść aerafotazdymačnych rabot, jakija mohuć rabicca jak na terytoryi Respubliki Biełaruś, hetak i za jaje miežami», — havorycca ŭ paviedamleńni
Źviestki ad ličbavaj aerafotakamiery ADS100 buduć vykarystanyja ŭ intaresach ziemleŭparadkavalnych i lesaŭparadkavalnych słužbaŭ, tapohrafa-hieadezičnych i inžynierna-pošukavych rabotach, dla atrymańnia detalovych teksturavanych 3D-madelaŭ miascovaści, u mierapryjemstvach, źviazanych z achovaj navakolnaha asiarodździa i praduchileńniem nadzvyčajnych situacyj. Aprača taho, źviestki buduć vykarystanyja dla stvareńnia ortafotamazaiki zvyšvysokaha raspaznavańnia i vysokaj jakaści jak asnovy pry stvareńni hieahrafičnych infarmacyjnych sistem roznymi viedamstvami, pradpryjemstvami i inšymi zacikaŭlenymi subjektami.
Apieratary-aerafotazdymščyki prajšli śpiecyjalnaje navučańnie i lotnyja vyprabavańni ličbavaj aerafotakamiery ADS100, zaznačyli ŭ Dziaržkamajomaści.
Jakaść atrymanych u testavym režymie źviestak dystancyjnaha zandavańnia (fatahrafičnaje, fatahramietryčnaje i radyjomietryčnaje) «dazvolić paśpiachova vyrašyć technałahičnyja zadačy, źviazanyja z pabudovaj adzinaj płatformy jak bazy dla stvareńnia hieahrafičnych infarmacyjnych resursaŭ», — padkreślili ŭ viedamstvie.