U Łuhansku abjaŭlena trochdzionnaja žałoba
U Łuhansku 15, 16 i 17 lipienia abvieščanyja dniami žałoby ŭ suviazi sa šmatlikimi zahinułymi siarod mirnaha nasielnictva ŭ bajach terarystaŭ i zmaharoŭ z terarystami.
Takoje rašeńnie pryniaŭ mer horada Siarhiej Kraŭčanka, paviedamlaje sajt harsavieta Łuhanska.
«Apošnija dni stali čornymi staronkami ŭ žyćci našaha horada. Hora i smutak pryjšli ŭ naš ahulny dom Łuhansk. U vyniku ŭzbrojenych sutyknieńniaŭ my hublajem samaje darahoje, što ŭ nas jość, — žyćcio ni ŭ čym nie vinavatych łuhančan, jakija padčas abstrełaŭ znachodzilisia nie na linii frontu, a ŭ žyłych masivach», — źviarnuŭsia mer da haradžan.
«Tolki za apošnija try dni zahinuła 17 mirnych žycharoŭ, 73 čałavieki atrymali askiepkavyja i ahniastrelnyja ranieńni», — zajaviŭ jon.
U suviazi z trahičnymi padziejami Kraŭčanka abviaściŭ 15, 16 i 17 lipienia dniami žałoby ŭ Łuhansku.
«Vykazvaju svaje spačuvańni rodnym i blizkim zahinułych. Viečnaja pamiać. U hetyja ciažkija dni ŭsio łuhančanie ŭ skrusie razam z vami», — padkreśliŭ jon.