U minskim aeraporcie zatrymali ŭkrainskaha deputata
Narodny deputat Ukrainy Alaksandr Bryhiniec zatrymany ŭ aeraporcie Minska.
Pra heta paviedamlaje Fond «Adkryty Dyjałoh».
Zhodna ź infarmacyjaj, ciapier palityk znachodzicca pad vartaj u tranzitnaj zonie aeraporta.
«Mnie paviedamili, što ja źjaŭlajusia piersonaj non-hrata ŭ Biełarusi. Heta, dla mianie dziŭna, bo ja zaŭsiody padtrymlivaŭ hetuju krainu i padzialaŭ acenki situacyi jaje kiraŭnictvam», — cytuje Fond słovy narodnaha deputata.
«Heta moža śviedčyć tolki ab adnym - niezaležnaj biełaruskaj palityki nie isnuje, jana całkam hruntujecca na patrabavańniach» starejšaha brata», - dadaŭ jon.
«Ciapier mianie začynili ŭ pakoi jašče z adnym mužčynam, hramadzianinam Hruzii. Fatahrafavać, jak i pakinuć pakoj zabaraniaje kapitan pamiežnaj słužby, jaki staić na ŭvachodzie. Ja budu patrabavać tłumačeńniaŭ i piśmovych instrukcyj ab zabaronie i na fatahrafavańnie, i na ŭjezd u hetuju krainu», - zajaviŭ Bryhiniec.
U Fondzie paviedamili, što Bryhiniec nakiroŭvaŭsia z Kijeva ŭ Maskvu ŭ składzie aficyjnaj ukrainska-polskaj delehacyi parłamientaryjaŭ i pravaabaroncaŭ.
Delehacyja była sfarmiravana pa inicyjatyvie Fondu «Adkryty Dyjałoh» i pry sadziejničańni Ministerstva zamiežnych spraŭ Ukrainy z metaj nazirańnia za pracesam nad lotčycy Nadziei Saŭčanka.
Prahramaj vizitu zapłanavanaja sustreča z advakatami Nadziei, pravaabaroncami, naviedvańnie Nadziei Saŭčanka ŭ SIZA horada Varoniež.