Chryścijanie pakidajuć irakski Masuł z-za ultymatumu bajevikoŭ
Chryścijanie masava pakidajuć irakski horad Masuł-za ultymatumu, jaki abviaścili bajeviki hrupoŭki «Isłamskaja dziaržava» (ID), zapatrabavaŭšy pakinuć horad da suboty, pieradaje ŭ noč na subotu telekanał Al-Arabiya sa spasyłkaj na patryjarcha krainy.
«Chryścijanskija siamji ciapier na šlachu da haradoŭ Dochuk i Arbił (Kurdystan). Upieršyniu ŭ historyi Iraka ŭ Masule ciapier niama chryścijanaŭ», — paviedamiŭ kanału patryjarch Chałdejskaj katalickaj carkvy Łuis Rafael Sako I.
Telekanał paviedamlaje sa spasyłkaj na vidavočcaŭ, što patrabavańni pakinuć horad usim chryścijanam da suboty tranślavalisia praz hučnahavarycieli miascovych miačeciaŭ.
Raniej ŚMI paviedamlali pra padatak, uviedzieny bajevikami ID dla niemusulman, jakija žyvuć na zachoplenych imi terytoryjach. Minimalny pamier štomiesiačnaha padatku składaje 250 dołaraŭ ZŠA. Pavodle dadzienych Iranskaj kamisii pa pravach čałavieka, u ciapierašniaj ciažkaj ekanamičnaj situacyi ŭ Iraku zarabić takuju sumu dla taho, kab vypłacić patrabavany padatak, praktyčna niemahčyma. Ciapier ža paviedamlajecca, što ID vydała zajavu z patrabavańniem da chryścijanaŭ pryniać isłam abo płacić padatak ci ž pakinuć svaje damy, jakija ciapier buduć ličycca ŭłasnaściu bajavikoŭ.
Taksama patryjarch paviedamiŭ, što bajeviki paznačajuć damy chryścijan, nanosiačy na ich pieršuju litaru słova «chryścijanin» na arabskaj.
Hrupoŭka ID, što vajavała da apošniaha času ŭ Siryi, u červieni ŭznačaliła nastup na paŭnočnyja i zachodnija rajony Iraka. Da ID dałučylisia sunity Iraka, vajskoŭcy z byłoj armii Sadama Chusejna, drobnyja terarystyčnyja hrupoŭki. Hrupoŭka abviaściła 29 červienia ab stvareńni isłamskaha chalifata na padkantrolnych joj terytoryjach u Iraku i Siryi. Chalifam byŭ abvieščany lidar bajevikoŭ Abdała Ibrahim as-Samarai, taksama viadomy jak Abu Bakr al-Bahdadzi. Samaabvieščany chalifat u dadzieny momant praciahnuŭsia ad horada Alepa na poŭnačy Siryi da pravincyi Dyjała na ŭschodzie Iraka.