Alaksiej Jahudzin: My ni ŭ čym nie vinavatyja, Rasija nie maje dačynieńnia da žachlivaj avijakatastrofy
Žachlivaja avijakatastrofa Boinha-777 nad zonaj bajavych dziejańniaŭ va Ukrainie šakavała ŭvieś śviet. Razam z prostymi ludźmi svaje dumki vykazvajuć i znakamitaści.
Emacyjnuju pazicyju adnym ź pieršych vykazaŭ rasijski fihuryst, alimpijski čempijon Alaksiej Jahudzin.
«Va ŭsioj hetaj situacyi škada, pierš za ŭsio, ludziej i vielmi składana havaryć… Ale ja całkam padtrymlivaju palityku svajoj krainy i kateharyčna suprać toj hiehiemonii, jakuju ładzić ZŠA. Jany zambirujuć ludziej na Ukrainie!
Ja razumieju, što va ŭsich svaja praŭda, u kožnaj krainy. Ale majo mierkavańnie niepachisnaje. My ni ŭ čym nie vinavatyja. Rasija nie maje dačynieńnia da žachlivaj katastrofy. Niekatoryja krainy sprabujuć naviazać nam svajo bačańnie. ZŠA prymusova sprabuje ŭviazać nas u kanflikt. Kudy b nie ŭvachodzili amierykancy, usiudy pačynajucca prablemy. U Livii, u Iraku, ciapier u nas… Jany nikoli nie čujuć nikoha, akramia siabie.
Ja całkam padtrymlivaju ahresiŭnuju palityku, jakuju viadzie Rasija. U nas vielmi mocny ducham narod, i my ŭmiejem pastajać za siabie, kali treba. Kali nie adkazvać ahresiŭna, to nas by, napeŭna, užo ścierli z tvaru ziamli. Tamu ja padtrymlivaju tuju stupień napružanaści, jakaja jość pamiž nami. I ja hanarusia, što žyvu ŭ krainie, jakaja ŭmieje adkazać tym krainam, jakija sprabujuć nam niešta dyktavać».