Insult u kiroŭcy: aŭtobus ź biełaruskimi dziećmi trapiŭ u avaryju ŭ Bałharyi
Na ščaście, nichto ź ich nie paciarpieŭ.
Pra heta paviedamiŭ pres-sakratar Ministerstva zamiežnych spraŭ Biełarusi Dźmitryj Mirončyk.
Biełaruskaja hrupa viartałasia z adpačynku ŭ horadzie Kiten. Napiaredadni ranicaj na trasie Varna-Rusie niedaloka ad vioski Byzyn adzin z aŭtobusaŭ źjechaŭ u kiuviet. Pa papiarednich dadzienych, pryčynaj hetamu staŭ insult, jaki zdaryŭsia ŭ kiroŭcy, hramadzianina Bałharyi.
«Nichto ź biełaruskich dziaciej i supravadžajučych ich asob u avaryi nie paciarpieŭ, - paviedamili ŭ MZS Biełarusi. - Paśla zamieny aŭtobusa hrupa biełaruskich adpačyvalnikaŭ ahulnaj kolkaściu 100 čałaviek praciahnuła pajezdku dadomu».
U ciapierašni čas dzieci i supravadžajuć znachodziacca na terytoryi Rumynii, dzie prachodziać praceduru afarmleńnia viz dla častki hrupy na ŭjezd u šenhienskuju zonu. Nieabchodnaść ich atrymańnia ŭźnikła ŭ suviazi z zatrymkaj padčas pajezdki.
U MZS adznačyli, što dadzienaja situacyja znachodzicca na kantroli biełaruskich ambasadaŭ u Bałharyi, Rumynii i Vienhryi.