Z 25 lipienia Minhandlu ŭzmocnić pravierki na rynkach i ŭ handlovych centrach
Z 25 lipienia Minhandlu ŭzmocnić pravierki na rynkach i ŭ handlovych centrach, paviedamiŭ na pres-kanfierencyi 23 lipienia ŭ Minsku ministr handlu Valancin Čakanaŭ. Raniej zajaŭlałasia pra ŭzmacnieńnie pravierak z 22 lipienia.
«My z 25 lipienia vyjdziem na rynki i jašče raz skažam, što dziaržava patrabuje ad tych, chto tam handluje. Ja maju na ŭvazie zabaronu na handal niajakasnym tavaram, bieź siertyfikata. Jak było skazana, da 1 sakavika 2015 hoda dazvolena pradavać reštki tavaraŭ, kuplenych da 1 lipienia 2014 hoda. Z 1 sakavika treba budzie mieć usie nieabchodnyja dakumienty, adpaviednyja techrehłamientu Mytnaha sajuza», — padkreśliŭ kiraŭnik viedamstva.
Jon taksama zajaviŭ pra ŭzmacnieńnie pracy z uładalnikami handlovych centraŭ. Jany pavinny zabiaśpiečvać handlovyja miescy i elektryčnaściu dla padklučeńnia kasavych aparataŭ, i viedać, dzie znachodziacca knhi skarhaŭ i prapanoŭ i h. d.
Pavodle słoŭ Čakanava, Minhandlu pravodzić vialikuju pracu pa ŭzajemadziejańni aptovych kampanij i indyvidualnych pradprymalnikaŭ. «Vialikaj zacikaŭlenaści ŭ našych pradprymalnikaŭ pakul niama, ale pieršyja vyniki jość — prykładna na 600 młrd. rubloŭ i impartnaha, i ajčynnaha tavaru pradadziena 34 aptovymi strukturami», — paviedamiŭ ministr. «Ja ŭpeŭnieny, što skieptyki, jakija havaryli, što spyniać pracu na rynkach, nie majuć racyi. Ludzi pierabudujucca, buduć pracavać ź jakasnym tavaram, i my dasiahniem hałoŭnaj mety — tavar pavinien pradavacca jakasny», — zajaviŭ Čakanaŭ.
Stvoranaja hod tamu handlovaja inśpiekcyja praviała bolš jak 3 tys. pravierak i manitorynhaŭ i ŭ 97% arhanizacyj vyjaviła parušeńni i niedachopy pa terminach prydatnaści, pa niedakładnaj infarmacyi dla pakupnikoŭ i h. d.