Zarpłata ŭ pradstaŭnictvach zamiežnych arhanizacyj u Biełarusi budzie vypłačvacca ŭ biełaruskich rublach
Zamiežnyja i biełaruskija hramadzianie, pracaŭładkavanyja ŭ pradstaŭnictvy zamiežnych arhanizacyj, z 25 lipienia pavinny atrymlivać zarpłatu tolki ŭ biełaruskich rublach. Ab hetym skazana ŭ liście Nacyjanalnaha banka kamiercyjnym bankam.
Toje ž datyčycca i vypłaty zarpłaty zamiežnym hramadzianam, jakija pracujuć u Biełarusi ŭ arhanizacyjach z zamiežnymi inviestycyjami.
U piśmie nahadvajecca, što 25 lipienia ŭstupiŭ u siłu zakon ad 8 studzienia 2014 hoda «Ab uniasieńni źmianieńniaŭ i dapaŭnieńniaŭ u Pracoŭny kodeks Respubliki Biełaruś». Z dapracavanaha dakumienta byŭ vyklučany artykuł, u jakim byli prapisany asablivaści rehulavańnia pracoŭnych i źviazanych ź imi adnosin u arhanizacyjach z zamiežnymi inviestycyjami. Ciapier adsutničajuć pravavyja padstavy dla vypłaty zamiežnym rabotnikam, jakija pracujuć pa pracoŭnych dahavorach u adpaviednaści ź biełaruskim zakanadaŭstvam, zarpłaty ŭ zamiežnaj valucie, kali inšaje nie budzie ŭstanoŭlena aktami zakanadaŭstva abo mižnarodnymi dahavorami.
Zhodna z Pracoŭnym kodeksam, zarabotnaja płata vypłačvajecca ŭ hrašovych adzinkach Biełarusi. Nazvanaja norma źjaŭlajecca impieratyŭnaj. Pracoŭny kodeks prymianiajecca adnosna ŭsich rabotnikaŭ (uklučajučy zamiežnych hramadzian) i najmalnikaŭ, jakija zaklučyli pracoŭny dahavor na terytoryi Biełarusi, kali inšaje nie ŭstanoŭlena aktami zakanadaŭstva abo normami ratyfikavanych i ŭstupiŭšych u siłu mižnarodnych dahavoraŭ abo kanviencyj Mižnarodnaj arhanizacyi pracy (MAP), udzielnicaj jakich źjaŭlajecca Biełaruś.